Pa stimula pesca y desaroyo sostenibel den e region
ORANJESTAD (AAN): Dutch Caribbean - Agriculture, Livestock y Fisheries (DCALFA) a informa cu Santa Rosa Aruba a emiti un orden di compra pa dos Fish Aggregating Devices (FADs). E instalacion di e FADs ta parti di un esfuerso pa stimula pesca y desaroyo sostenibel den e region.
Na november a tuma lugar un reunion importante entre piscado, representantenan di Santa Rosa, y e compania local cu lo instala e FADs.
Durante e reunion aki, a duna un splicacion di e proceso pa instalacion y tambe a cuminsa busca e locacion mas apropia pa instala e aparatonan.
E proyecto ta reforza e vision di DCALFA pa promove intercambio di conocemento y cooperacion riba topiconan di agricultura, pesca, y 'best practices', pa stimula desaroyo den e sector primario.
Foto: Cortesia di Minister di Transporte, Integridad, Adulto Mayor y Naturalesa.
