Varios club di servicio a bay pasa un anochi dibertido na Papaya Ranch

ORANJESTAD (AAN): Recientemente e organizacion di Kiwanis Club of Palm Beach, a organiza nan evento anual di ‘Service Interclub Fun Event’,

caminda miembronan di varios club social, e.o. Kiwanis Club of Aruba, Kiwanis Club of San Nicolas, Aruba Lions Club, Aruba One Happy Island Lions Club, Quota International of Aruba, Aruba Rotary Club, y Women’s Club of Aruba a bay diberti un poco.

   Nan a goza di un anochi yena cu weganan di Domino, Bolas Criollas, fabuloso cos di come y di bebe, y lo mas importante comparti momentonan maraviyoso cu demas clubnan di servicio.

   DIARIO a compronde cu casi 100 boluntario di 8 diferente club di servicio a participa e aña aki.  Un palabra di pabien na Aruba Lions Club cu e aña aki a gana e Fun Competition Bolas Criollas.