Vanesa Giel a gradua como Bachelor na Universidad di Aruba

Den Organization, Governance and Management (OGM)

ORANJESTAD (AAN): Dia 21 di september 2026, Vanesa Giel a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia.

   Vanesa Giel a defende su tesis titula: “An Analysis of Service Quality and its Influence on Client Satisfaction and Client Loyalty at Notary Yarzagaray”.

   Vanesa a investiga e calidad di servicio na Notariskantoor Yarzagaray y con esaki ta influencia e satisfaccion y e lealtad di su clientenan, cu e meta di duna e notariskantoor recomendacionnan basa riba e contestanan di e clientenan cu a participa den e investigacion.

   E comision di graduacion tabata consisti di Judelca Briceño, M.Sc., Mandy Lacle, M.Sc., y Verenuska Rincon Bravo, M.Sc., Directie Volksgezondheid.

   Ta gradici e docentanan di e departamento di OGM y profesional cu a yuda of guia Vanesa como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki.

   Pa mas informacion tocante e estudio OGM, bishita e website di Universidad di Aruba na www.ua.aw/ogm

   Palabranan di hopi pabien na Vanesa.