Vandalismo continuo riba ELMAR su EV ChargeUp Station na Pos Chiquito

ORANJESTAD (AAN): ELMAR ta informa su clientenan di EV ChargeUp cu nan charging station na Pos Chiquito ta temporalmente cera debi na vandalismo continuo riba e station.

E incidente a causa daño significativo, y mientras ta busca un solucion sostenibel pa garantisa seguridad y funcionalidad di e station, ta obliga pa cera e station temporalmente. 

            ELMAR ta compronde cu esaki ta un inconveniencia pa esnan cu ta depende regularmente di e station aki, y kier sigura cu ta trahando mas lihe posibel pa resolve e situacion y reactiva e station. Mientrastanto,  ta invita e clientenan den e area pa uza e charging stations mas cerca na: 

- ELMAR San Nicolas

- Aeropuerto Reina Beatrix 

            ELMAR ta pidi disculpa pa e inconveniencia y ta gradici boso pa e comprension y apoyo continuo. EV ChargeUp ta e servicio di mas nobo na ELMAR, un charging station netwerk rond di Aruba, facilitando y promoviendo asina uzo di vehiculo electrico den  comunidad door di inverti den e infrastructura necesario.