ORANJESTAD (AAN): E vacuna contra COVID-19 ta wordo recomenda pa tur persona di 12 aña bay ariba (sin conta e individuonan cu a wordo desaconseha pa nan dokter pa tuma e vacuna),
incluyendo tur esnan cu ta na estado, dunando pecho of purbando di sali na estado.
Hende muhe na estado of cu tabata na estado recien tin mas probabilidad di bira malo gravemente si ta contagia cu COVID-19, den comparacion cu hende muhe cu no ta na estado. Vacuna contra COVID-19 por proteha e grupo aki di un malesa serio ocasiona pa COVID-19.
Vacuna no ta solamente un acto di solidaridad y reponsabilidad conhunto caminda ningun hende por keda atras; pero mas tanto, vacuna ta un acto di amor pa bo mes, bo famia y bo pais!
Participa den nos VacunaTHON, dia 22 di Augustus awo na Ritz Carlton for di 9am te cu 4pm. Por fabor, no duda mas: VACUNA! #DVGAruba #VacunaTaUnActoDiAmor #DosisPaBiba
