Segun AHATA
ORANJESTAD (AAN): Durante Asamblea General Anual di Aruba Hotel & Tourism Association (AHATA), e miembresia a eligi un hunta pa 2024. Segun reglanan nobo di e asociacion di turismo, aproba pa miembronan algun luna pasa, e hunta di 13 persona mester incui: 7 representante di hotel, 2 di timeshare, 1 di vacation rental, y 2 di miembro aliado.
E hunta di directiva pa 2024, ta consisti di e siguiente personanan: President ta Paul Gielen (Renaissance Aruba), Vice-President ta Joe Najjar (La Cabana), Segundo Vice-President ta Warren Stanley (Tropical Bottling).
Tesorero ta Gabe Castrillon (Hyatt Regency), Secretario ta Samuel Johnson (Barcelona), y Directornan ta Ewald Biemans (Bucuti & Tara), Steve Redkoles (Ritz-Carlton), Richard Roy (Eagle Aruba), Raoul Lemmerling (Marriott), Marin Bijl (Divi & Tamarijn), Pablo Casal (Embassy Suites), Alex Cybul (Turibana Plaza), y Sharon Frankel de Cuba (Aruba Bank).
E hunta ta traha cu e Presidente y CEO, Tisa LaSorte, pa establece e strategia di e asociacion. AHATA su meta principal ta pa yuda sigura un industria di turismo productivo y duradero pa sostene e economia di Aruba.
