Un evento special awe di Open House...
ORANJESTAD (AAN): Pa cu e celebration di e dia di Toastmasters riba 22 di October, University of Aruba Toastmasters Club ta invita comunidad pa atende nos evento special l Toastmasters Open House cu ta tuma lugar awe Diahuebs, 22 di October 2026, di 7:30 pm te 9:00 pm na Universidad di Aruba, Maria Convent lokaal #8.
E tema pa cu e evento aki lo "Unlock Your Potential: Speak, Lead, Succeed!", durante e evento aki nos lo tin e honor di tin e Prome Distinguished Toastmaster di Aruba presenta, pero alavez un collaboration cu nos ultimo Distinguished Toastmaster pa Aruba. Bini y presencia con bo por desaroya den un orador cu confiansa, un lider Fuerte y un comunicador mas effectivo.
E evento di Open House ta ofrece studiantenan, professional, entrepreneurs y miembronan di comunidad e oportunidad pa experiencia un reunión di Toastmasters. Na e evento aki lo tin presentation di e Prome DTM di Aruba, un entrepreneur y un miembro di Toastmasters cu logronan exitoso.
Alavez lo tin un session di Topico di Mesa caminda lo demonstra con pa pensa liher pa presenta den un tempo cortico. Nos ta invitabo pa bin presencia demonstration di desaroyo personal y professional pa medio di e programa di Toastmasters.
E evento aki tin un signification special pasobra e tuma lugar riba e mesun fecha cu ta celebra international e Toastmasters Day, un dia dedica na reconocemento di e impacto positivo cu Toastmasters tin riba miyones di persona rond mundo yudando nan desaroya nan abilidad y capacidad di comunica y lidera.
"Toastmasters Day ta un oportunidad estupendo pa celebra e crecemento personal y sinjamento pa bida," di acuerdo cu President actual di University of Aruba Toastmasters Club. "Nos ta invita tur persona cu ta desea di aumenta nan confiansa, bira un mihor orador, abilidad di liderazgo of presenta professional pa join nos y descubri con Toastmasters por yudabo den bo biahe di crecemento."
Personanan cu atende lo experiencia cu Toastmasters ta ofrece un ambiente di sosten y alentador caminda individualnan por desaroya exitosamente den nan trabou, negoshi, education of bida di tur dia.
Si e meta ta pa presenta cu confiansa durante un reunion of presenta presentation convincente, lidera un team efectivamente cu mayor impacto, Toastmasters ta ofreca un trayecto di crecemento y logronan.
Corda cu e evento aki ta gratis, y habri pa publico.
Toastmasters International ta un organization di education nonprofit dedica na yuda personanan mehora nan abilidad di comuncation, orador y capacidad di liderazgo pa medio di un network di clubnan rond mundo. Desde 1924, Toastmasters a logra transforma bida di miyones di personanan door di ofrece un ambiente di ayudo pa crecemento personal y profesional.
