University of Aruba Toastmasters Club a tene su ceremonia oficial di instalacion di e miembronan ehecutivo  

ORANJESTAD (AAN):  Den e ambiente sereno di Maria Convent completamente renoba, ubica den e compleho di Universidad di Aruba,

Oranjestad, University of Aruba Toastmasters Club (UATC) a tene su ceremonia oficial di instalacion di e miembronan ehecutivo pa e aña di Toastmasters, cual ta core di 1 juli  2025 pa 30 juni 2026.

            University of Aruba Toastmasters Club ta miembro orguyoso di Toastmaster International. Meta ta pa crea mihor lidernan y mihor abilidad pa papia den publico.  Distrito 81, UATC ta forma parti di Districto 81 hunto cu tur e otro islanan den caribe.

            Sra. di Shamilla Williams, Distinguido Toastmaster, tabata e oficial pa instala e comicion ehecutivo pa e aña aki.

            Den presencia di e miembronan di comision ehecutivo saliente, miembronan di club y invitado, e acto ceremonial a ser haci na un ritmo rapido. E comision ehecutivo 2025/2026 ta consisti di e siguiente personanan: Presidente di club Sra. Marjerline Dabian, Vice-presidente  Enseñansa Sr. Jandrick Tromp, Vice-presidente Miembrecia Sr. Di-Stefano Wernet, Secretario Sr. Omar Griffith, Tesorero Sr. Di-Stefano Wernet y Sargento di arma Sra. Clementia Eugene.

            E comision ehecutivo ta supervisa trabou diario di club y ta representa club den Area, Division y Districto. 

            Si bo persona ke sa mas di e club of ta interesa den crecemento personal como lider por atende un di nan reunionnan.

            University of Aruba Toastmasters Club ta tene reunion y/of encuentronan educativo tur prome y di tres diahuebs di e luna calendario. Educacion practico riba tereno di abilidadnan di liderazgo y abilidadnan pa comunica, incluyendo papiamento den publico y presentacionnan di negoshi, uzando e hermentnan avansa. E encuentronan ta tuma luga den e edificio di Maria Convent renoba na Universidad di Aruba di 7:00 p.m. - 9:00 pm.