Universidad di Aruba ta conta cu dos profesor nobo  

ORANJESTAD (AAN)- E siman aki Prome Minister Evelyn Wever - Croes tabatin e honor di ta na Universidad pa un discurso inaugural di dos profesor.

E profesornan a dicidi di asumi e posicion aki pa yuda Aruba su Universidad sigui desaroya.

 Prome Minister a expresa cu ambos profesor a duna discursonan inaugural sumamente interesante y aplicabel.

Cu enfoke riba derecho publico, situacion di tereno, maneho di gobierno y e libertad of e espacio cu gobierno tin den esakinan.

Otro temanan sumamente importante y necesario pa papia di dje ta, medio ambiente y e transicion di energia y con esaki ta bay acopla cu e espacio di ley cu tin pa esaki. 

Premier Wever-Croes a felicita Universidad di Aruba cu e expansion sumamente valioso pa Universidad di Aruba y studiantenan y ta desea nan hopi exito.