ORANJESTAD (AAN): Hogeschool Rotterdam ta informa studiantenan cu ta actualmente den examenklas y esnan 21 aña y sin diploma tocante e dos trayectonan:
Subi Jet pabo Get y e 21+ toelatingstraject diamars awo! Tur studiante di examenklas y nan mayornan como tambe studiantenan cu tin interes pa participa na e 21+ traject pa e unico anochi di informacion caminda e siguiente dos topiconan lo wordo trata:
21+ Traject di Hogeschool Rotterdam: Si acaso bo no tin bo HAVO/VWO/MBO diploma pa bo por drenta un HBO y sigui e opleiding cu semper bo tabata kier y bo tin e dedicacion y determinacion pa sigui studia? Esaki ta BO chance, awo Hogeschool Rotterdam ta brinda bo e oportunidad pa participa na e 21+ Toelatingstraject aki na Aruba mes!
E trayecto aki ta consisti di un aanlegtest y maximo 4 toelatingsexamens. Si bo completa e trayecto aki cu exito, bo por drenta Hogeschool Rotterdam pa cuminsa e HBO opleiding di bo escogencia na september 2022 mes! Pa por participa na e trayecto aki, bo mester tin e edad di 21 aña of mas riba 1 di October 2022. “Subi Jet Pa bo Get” pa candidatonan cu ta den examenklas cu lo bai studia na Hogeschool Rotterdam na augustus 2022.
Bo ta den examenklas y tin pensa di bai studia un opleiding na Hogeschool Rotterdam na September 2022? Esaki ta BO oportunidad pa por participa na un curso completamente revisa y cu informacion hopi interesante, interactivo y leuk pa prepara abo y bo mayornan pa e paso nobo aki den bo bida. Lo lagabo sera conoci cu studentcoaches y docentenan cu por yuda bo den e preparacion y cu tur bo preguntanan. Un punto hopi atractivo di tur esaki ta cu participando na e curso informativo aki bo por acumula bo prome studiepunten prome cu bo yega Hulanda. Un oportunidad cu Hogeschool Rotterdam SO ta brindabo na Aruba. Tene na cuenta cu esaki tambe ta pa esnan cu lo kier sigui e 21+ traject!
Pa mas informacion nos kier a invita tur interesado pa inscribi pa e unico anochi di informacion cu lo tuma lugar online, riba Diamars 8 maart 2022, for di 6:00 pm pa 7:00 pm. Bo por meld bo mes via e siguiente link:
https://forms.gle/2kVQ3rqBrFPQFcAs8
Ora bo caba di registra bo lo ricibi un invitacion cu e link pa e meeting den bo email.
