Universidad di Aruba cu recepcion bon anima pa duna bon bini na aña nobo

ORANJESTAD (AAN): Den fin di siman, Universidad di Aruba a reuni pa asina duna bon bini na e aña nobo, continuando cu un tradicion balioso basa riba e conexion, refleccion, y proposito comun.

   Cu un participacion fuerte di e personal y e profesornan di henter Universidad, e recepcion a refleha nan identidad como un institucion central riba personanan, uni den nan compromiso cu e avance di conocemento y servicio na sociedad.  Durante un almuerzo cuidadosamente prepara door di Nick Gordon di Nicolaas Store (un di nan talentoso ex-alumno), nan a reflexiona riba e impacto duradero di educacion y e forza di nan comunidad extenso di Universidad di Aruba.

   Den su discurso, Rector Sue-Ann Lee, MSc, a refleha riba e origennan di e Universidad, funda na 1988, y su rol den e proceso di construccion di pais Aruba, enfatizando cu nan identidad como universidad ta wordo determina door di nan accionnan di tur dia.  Oficialmente el a ofrece aspectonan mas destaca di e Multi-Annual Strategic Plan, cu a wordo desaroya via di un proceso participativo amplio cu a envolvi docentenan, personal, coordinadornan, y managernan di henter e Universidad.

   Rector Sue-Ann a encurasha tur hende pa lesa, discuti, y refleha riba e strategia, haciendo esaki pa nan mes.  Guia pa e balornan fundamental, integridad academico, respet, colaboracion, responsabilidad y curiosidad, e mapa di ruta comparti aki lo yuda nan avanza hunto, como un Universidad, cu ta dunando forza na un comunidad academico inclusive y prepara pa futuro.

   E potretnan aki ta pa cortesia di Universidad di Aruba.