Night of the Hit Makers cu Kassav a trece hopi hende hunto

Publico a goza un mundo tambe di nos artistanan local

ORANJESTAD(AAN): Diabierna anochi na Carnival Village a tuma lugar locual a wordo yama ‘Night of the Hit Makers’, unda cu e banda principal invita pa duna un presentacion tabata e legendario Kassav, cu for di decada di 80 caba tabata causa un sensacion rond mundo cu si hitnan manera

   Zouk-la Sé Sel Médikaman Nou Ni, Mwen Malad Aw y Oh Madiana a resona.

   Publico a yega San Nicolas y no a disfruta solamente di Kassav, sino tambe di Buleria, OREO y Tsunami cu a sa di pone un tremendo ambiente den e lugar, sin lubida tambe e DJ’s cu a yuda anima e publico tambe.

   Por a nota con hopi cu pa decadanan a experiencia Kassav den nan mente a bay bek den tempo, mientras cu e publico mas hoben cu quizas no tabata conoce e banda mucho bon a disfruta di nan cancionnan, como tambe e cancionnan di e bandanan local.