Universidad di Aruba a organisa Carousel Social pa yuda forma trahadornan social pa futuro

Universidad di Aruba a organisa Carousel Social pa yuda forma trahadornan social pa futuro

Señora Marlous Tiekstra di Universidad di Aruba:

ORANJESTAD (AAN): Universidad di Aruba ta sigui fortalece su compromiso cu e bienestar social di nos comunidad via su programa di Social Work and Development, destacando e importancia di colaborashon entre educacion y practica. E di dos evento di Carousel Social ta un programa cu ta pone enfoke riba e necesidad pa traha cu organisacionnan den comunidad y instancianan di servicio social pa crea experiencianan di siña cu tin balor real pa e studiante.

   Señora Marlous Tiekstra, program manager Social Work and Development Program di Universidad di Aruba, a expresa e importancia pa organisa enventonan manera esaki pa yuda forma trahadonan social pa futuro.

   Señora Tiekstra a indica cu desde e segundo aña di estudio, e studiantenan ta cuminsa cu pasantia den diferente organisacion y agencia, cu ta duna nan e oportunidad pa pone teoria na pratica. E experiencia den campo ta yuda nan desaroya habilidadnan practico, sensitividad cultural, y siguridad mientras nan ta prepara pa drenta e mundo profesional.

   Universidad di Aruba ta reconoce, Tiekstra a enfatisa, cu e nesesidad di trabahadonan social cualifica ta sigui crece den nos pais. E programa ta diseña pa forma studiantenan pa ta profesionalnan generalista, prepara pa traha den diferente sector, desde conseho y coaching te na desaroyo politico y abogacia. E flexibilidad aki ta duna graduadonan libertad pa scoge e area caminda nan kier sirbi despues cu nan termina e programa.

  Señora Tiekstra a remarca cu den un sociedad multicultural y multilengual, e reto di formacion den trabou social ta bay mas leu cu e limitacionnan tradicional. E programa ta enfoca riba desaroya habilidad linguistico y comprencion cultural — hermentnan esencial pa comunicacion eficiente y interaccion cu clientenan. E ta un reto grandi pa maneha e diferencianan cultural y linguistic riba nos isla.

   “Pa cua motibo Universidad di Aruba pa medio di e programa Carousel Social, ta forma profesionalnan cu por conecta sinceramente cu hende di tur background, y cu ta compronde cu siguridad propio den e campo aki ta nace for di empatia, respet y paz.”

   E programa di Social Work and Development ta keda dedica pa inspira e tururo  generacion di trahadonan social, cu ta hendenan cu ta trece compacion, liderazgo y innovacion den e curason di nos comunidad.