Universidad di Aruba a honra diferente hubilario

ORANJESTAD (AAN): Recientemente a tene un brindis special den aula di Universidad di Aruba, unda nan a dicidi na honra tur e personal cu tin varios aña trahando na e centro di educacion aki.

   Tur hende tabata presente, ora cu a tende con Universidad ta celebra nan dedicacion, nan fieldad, y impacto cu nan ta haci riba tur persona, incluyendo studiantenan.

   Cada uno a ser gradici pa nan añanan di servicio, y principalmente pa tur cos cu nan ta sigui haci y contribui pa e comunidad di Universidad di Aruba.

   Claro a haya chens di saca potret hunto y memoriza asina e momento unico aki.  Palabra di pabien na cada persona cu nan aniversario.