Unidad di Ehercito Hulandes ta practica e siman aki na Bonaire

ORANJESTAD (AAN): Informacion nobo procedente di Bonaire, ta indica cu durante e periodo 23 te cu 30 di Augustus,

e di 40 rotashon ‘Compagnie in de West (CidW)’ cu ta e unidad di Ehercito, y cu temporalmente ta ubica na un forma rotativo na Comando di Forzanan Naval den Region Caribe Hulandes, na Bonaire, lo ta practicando ehercicionan. Durante e ehercicionan aki nan lo move na diferente parti riba e isla. Esaki lo sosede tanto na pia como cu vehikulonan di ehercito. Nan lo ser mira tanto den zona nan habita como no-habita.

   E meta di e ehercicionan aki ta pa siña conoce e pais cu su geografia y poblacion mihor. Tambe ehercicionan den un clima diferente ta un di e motibonan pa haci esaki na Bonaire. Parti di e ehercicionan ta entre otro training di reconocemento (midi calibracion di registro di un area of obheto na un forma secreto of mantene esaki bao di observacion), mantene anotacionnan di habilidadnan propio, y cap palonan di mangrove pa un bon causa.

   CidW ta un batayon di forzanan di ehercito cu cada cuater luna ta keda intercambia pa un siguiente unidad. CidW 40 ta procedente di (Comando Operacion di sosten di Pais) (Operationeel Ondersteuningscommando Land) un di e cuater brigadanan di Forsanan di Ehercito Real. E batayon aki ta reforza cu entre otro miembronan diferente di ingenieria y servicionan medico, pa medio di cual tin tambe un diversidad di specialismo presente. E unidad tambe ta keda desplega pa brinda yudansa di emergensia of despues di un solicitud di asistencia di parti di Gobierno Lokcl. E unidad lo yega y na final wordo busca door di e barco di apoyo, Zr.Ms. Pelikaan.