ORANJESTAD (AAN): E candela cu a start Diamars merdia riba tereno di hero bieu di Daltra NV na Barcadera,
a produci un huma diferente. Como cu biento a cay, y tabata supla lo minimo for di zuidwest, esey a pone cu e tabata djis keda ‘zweef’ den e area ey di Aruba.
Como cu biento a cambia, Aeropuerto di Aruba a cuminza usa Runway 29 tambe, envez di esun normal. Esaki pues a pone cu avionnan tabata ateriza di direccion contrario.
E potret aki ta di un Airbus A321 di American Airlines, cu Diamars merdia pa 12:41 pm tabata aterizando na Aruba riba vuelo for di Philadelphia. E avion aki ta riba final approach y ta cla pa ateriza.
Pero prome cu esey, e avion mester a pasa bao di e capa di huma diki cu tabata slenter den area di Barcadera y Mahuma. Fuera di esey, e turistanan sinta na banda robez di e avion a haya un bista amplio di e candela.
