Un total di 43 participante a cuminsa cu e “BeYourOwnBoss” fall course 2022

Qredits Aruba

ORANJESTAD (AAN): Qredits Aruba den colaboracion cu Ministerio di Asuntonan Economico, Comunicacion y Desaroyo Sostenibel a anuncia e inicio di e di dos programa di "BeYourOwnBoss” Fall course.

    Un total di 43 participante a cuminsa cu e “BeYourOwnBoss” fall course 2022. En total tabata tin 78 registration unda cu un biaha mas, ambos localidad a yena nan cuponan por completo. E programa “BeYourOwnBoss” ta un curso cu e meta pa educa y prepara e cursistanan pa ta un empresario exitoso den futuro. Den pasado mas di 200 persona a finaliza e curso exitosamente y a ricibi nan certificacion.

   E curso aki lo ofrece e cursistanan mas conocimento di e mercadeo, con pa skirbi un plan di negoshi y plan financiero y tur e rekisitonan cu ta necesario y importante ora di habri un negoshi.

   E curso a cuminsa dia 23 di Augustus y lo termina dia 13 di October. Lesnan lo wordo duna riba diamars y diahuebs di 6:30 pa 9:00 di anochi y lo wordo ehecuta na Colegio EPI y na EPB San Nicolas. E materia lo wordo duna door di docentenan Mr. Jeandré Hessen y Ms. Twyma Van der Biezen.