Aruba Bank a participa den workshop di Fundacion Movemento ta Bida

ORANJESTAD (AAN):  Aruba Bank a participa den workshop informativo di  Fundacion Movemento ta Bida,

un fundacion cu ta dirigi su mes na e bienestar di nos adulto nan mayor.

            E workshop a tuma lugar na Cas di Cultura caminda, Aruba bank su ekipo a haci un presentacion pa yuda e audiencia di adulto mayor cu splicacion ariba  tecnologia digital bancario.

            Durante di e presentacion, entre otro, a duna ehempel di con pa haci pagonan online, “download”  facturanan, y con pa haci compras online y mucho mas.

            Representantenan di banco a elabora ariba e opcionnan di servicio digital, self-service, cu banco tin pa ofrece y e ayudo disponibel, pa personanan cu sea no tin computer na cas of ta rekeri di asistencia, na tur e Digital Loungenan di Aruba Bank.

            Nos ta aplaudi e proyecto Grandi Hunto, Hunto Grandi, bou guia di Sra. Rosa Leon, y nos ta contento di por a contribui na e conocemento financiero digital di nos adulto mayor.