Un total di 24 Arubiano a worde condecora pa Rey Willem Alexander

ORANJESTAD (AAN): Riba diamars 26 di april 2022 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki.

   Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan.

   Por otorga un condecoracion na personanan cu a duna un contribucion special na e sociedad. E aña aki a condecora 24 Arubiano.

   E ‘Lintjesregen’ na Aruba a tuma lugar Diamars mainta den Ballroom di Marriott Aruba Resort & Casino.  Na e ocasion aki, Gobernador Alfonso Boekhoudt a haci entrega di e condecoracionnan.

   Den e parti Caribense di Reino Hulandes, pa 2022 a condecora 58 persona en total.  Esey ta 24 na Aruba, 23 na Curacao, 7 na St. Eustatius, 3 na Bonaire, y 1 na St. Maarten.

   Na Aruba, esun cu a wordo condecora como ‘Officier in de Orde van Oranje-Nassau’ ta:

• Señor Israel A. Posner.

   Esun cu a wordo condecora como ‘Ridder in de Orde van Oranje-Nassau, bij bevordering’:

• Señor Adolf (Dufi) Kock.

   Esnan cu a wordo condecora como ‘Ridder in de Orde van Oranje-Nassau’:

• Señora Yolanda M. Croes.
• Señora Maya F. Daryanani-Tharani.
• Señora Rose Marie T. Provence.
• Señor Francisco J. Vrolijk.
• Señor Randolf M. Vrolijk.

   Esnan cu a wordo condecora como ‘Lid in de Orde van Oranje-Nassau’:

• Señor Winston F. Ashby.
• Señor David A. de la Fuente.
• Señora Wilhelmina E. de la Fuente-van ’t Hoff.
• Señora Cordilia G. Fun-Jagershoek
• Señor Humphrey H. Hose.
• Señor Seever P.B. Krozendijk
• Señor Naise A. Lee.
• Señor Hendrik F. Leo.
• Señor Sigfried R. Lumenier.
• Señor Valentino W. Peterson.
• Señor Frank H.C. Richardson.
• Señora Lila C. Richardson.
• Señora Teresita E. Ridderstaat-Angela.
• Señor Clifford E. Rosa.
• Señor Francis E. Saladin.
• Señora Trina V. Schel-de Jesus.
• Señor Sixto M.J. Vrolijk.