Copa Hubenil Gobernador Felipe B Tromp a bay pa Seleccion Damas Futbol U14

ORANJESTAD (AAN): Diaranson mainta durante ceremonia protocolar na Wilhelmina Park relaciona cu Dia di Rey,

a toca un momento di alegria ora cu maestro di ceremonia Lorene Flores a anuncia nomber di e ganador di Copa Hubenil Gobernador Felipe B Tromp.

   Esaki a bay pa e Seleccion Damas Futbol U14, kendenan recien durante competencia internacional a sa di uni henter e isla aki, cu nan forma inigualable di hunga futbol y logra di anota goalnan uno tras di otro.

   Full e seleccion a presenta e mainta aki bisti cu uniform oranje, mientras nan lidernan bisti na corra.

   Publico presente a duna un aplauso grandi na momento cu Gobernador a entrega e capitan di e team e bunita Copa aki.  Despues di esey, nan tur a para hunto cu Gobernador pa asina saca un potret di recuerdo.