Un total di 1,781 hoben a vacuna durante e VACUNATHON Edicion Hubenil

ORANJESTAD (AAN):  E vacunathon di diasabra a duna su resultado. Departamento di Salud a duna di conoce cu te cu 4 pm, cual tabata e ora di ciere di e evento, a logra un total di 1,781 hoben di 12 pa 17 aña vacuna.

Asina ta yega na un 19.1% di e segmento aki cu a haya nan vacuna.

Pa stroba e virus di sigui plama bou di e diferente gruponan di edad den comunidad ta importante pa  sigui vacuna mas hopi ciudadano posibel dentro di e diferente gruponan di edad.

Cada biaha ta mas cerca di logra e inmunidad colectivo desea.

Aruba mester sigui vacuna pa por sigui progresa. Corda cu vacuna ta un acto di solidaridad y responsabilidad conhunto. Niun por keda atras!