ORANJESTAD (AAN): Aruba a haya un miyonario nobo, ora cu Diabierna anochi sorteo di Mini Mega a produci un ganador!
E numbernan ganador e anochi ey tabata 07, 14, 27, y 29. Megaball ta 13.
A resulta cu tin un solo ticket ganador, cu a paga 2 Florin extra pa asina hunga e Megaplus. Pues el a gana e total di 1.800.000 Florin. Interesante ta e hecho cu e persona no a cumpra un ‘Lotto Loco’, pues ta number cu e mes a escoge.
Na Cadena Alexander Lottery riba Caya Betico Croes, na altura di e frontera di Tarabana/Cumana y Dakota, e persona a cumpra ticket. Pues tin e pensamento cu ta un persona di Dakota a gana esaki.
Lo tin di spera awor e siman aki si acaso e ganador lo bay busca su ticket ganador.
