Bishita di Prinses Sonrisa ta describi e realidad di e Pandemia Covid-19 --- Bishita di Prinses na Curacao cu un resultado cu nunca a spera
ORANJESTAD (AAN)- Un relacion unico ta uni Prinses Beatrix cu e ciudadanonan di e islanan Hulandes den Reino.
Un relacion, cu a haci cu na su yegada na Curacao dia 25 di November 2021, e princesa mes a splica con contento e tabata di por tabata na uno di e islanan Hulandes den Caribe atrobe.
Invita pa un evento special pa naturalesa, el a yega Curacao caminda el a duna prueba di ta interesa den mas cu solamente naturalesa.
Durante di su programa di tres dia, e prinses cu un dia como Reina a cumpra curazon di Pueblo di tur e islanan Hulandes den Caribe, a esforsa su mes pa scucha kico a pasa na e parti di Reino den Caribe for di momento cu e pandemia Covid-19 a bati na porta.
Cu e sonrisa y calor di semper el a topa cu e funcionarionan mas hato di gobernacion y sector priva di tur e islanan cu a reuni na Curacao.
Di Aruba tambe tabata tin representante di tur nivel, cu el a scucha y cu tabata tin contacto cu Prinses Sonrisa.
Ora el a bolbe Hulanda, el a haya sintimonan manera griep. El a laga haci su test di Covid-19, cu a resulta positivo.
Diasabra e fuentenan oficial di informacion di Reino, a anuncia cu Covid-19 a haci cu e princesa mester a drenta isolacion.
Na mes momento, e peticion a wordo haci pa tur hende cu durante su bishita na Curacao cu tabata den contacto directo cu su persona, tuma e pasonan necesario pa evita e malesa causa problema pa nan mes y otronan.
Cuanto hende tabata tin contacto cu Prinses Beatrix durante su bishita? Cuanto a bolbe na nan bida normal sin ta na haltura cu e tabata infecta, manera posibelmente tabata e realidad?
Segun informacion oficial Covid-19 ta tuma 3 pa 5 dia prome cu e sintomanan presenta, Pero e por dura mas.
Esaki a haci cu tur persona cu tabata tin contacto cu Prinses Beatrix mester tene posibilidad di infeccion na cuenta.
Un investigacion a cuminsa tambe pa por informa personanan cu tabata mas den contacto cu e Princesa di e menasa cu a surgi.
Te cu momento cu DIARIO a prepara pa bay imprenta ningun informacion di un posibel contagio a drenta.
Oficialmente Reino Hulandes a wordo informa cu e ta den isolacion. DIARIO lo sigui tur noticia pa asina informa su lectornan di e suceso lamentabel.
Un pronto recuperacion pa Princesa Sonrisa.
