Un pasco felis pa nos muchanan tabata e meta principal di Wind Creek Hospitality

A sorpresa mas di 400 mucha cu un regalo pa pasco

ORANJESTAD (AAN):   E famia grandi di Wind Creek Hospitality a bini hunto pa regala nos muchanan un pasco felis. E campaña ‘Stuff the Stocking’ a resulta un exito total colectando mas di 400 cos di hunga pa nos muchanan cu a wordo reparti rond Aruba. 

            Un pasco felis pa nos muchanan tabata e meta principal di Wind Creek Hospitality como nan compromiso na e comunidad di Aruba, regalando tur mucha un regalo bao kerstboom y asina alegra nan pasco. E campaña di ‘Stuff the Stocking’ a colecta mas di 400 cos di hunga bao di e hungadornan di Wind Creek Crystal Casino y Wind Creek Seaport Casino como tambe e miembronan di ekipo di Renaissance Wind Creek Aruba Resort. Tur cliente di casino por a entrega un regalo balora na $10, a cambio ta ricibi $10 den FREE Play como gradicimento pa nan donacion.

            Un bus completo yena cu regalo, Santa Claus y su ‘elves’ nan di Wind Creek Hospitality bao guia di Janine Rodriguez a core bai Theresita Center na San Nicolas caminda cu mas di 250 mucha tabata warda ansiosamente riba nan regalo. Despues e bus a core pasa YMCA Dakota unda cu 150 mucha mas a keda felis y contento cu nan regalo.

            Wind Creek Hospitaly conhunto cu Renaissance Wind Creek Aruba Resort kier a yama danki na cada un cliente di Wind Creek Casinos como tambe e miembronan di ekipo pa nan donacion pa asina mira un sonrisa riba cara di tur e muchanan e pasco aki. Hunto nos por logra hopi y hasi un cambio den nos comunidad. Wind Creek Hospitality y Renaissance Wind Creek Aruba Resort ta desea henter e pueblo di Aruba un Feliz Pasco!