Un momento special ora Cas di Machi a haya bishita di Aruba One Happy Island Lions Club

ORANJESTAD (AAN): Diasabra 28 augustus, teniendo na cuenta e reglanan di Covid, un grupo chikito di miembronan di Aruba One Happy Island Lions Club

tabata tin e honor di bishita cas di cuido pa nos grandinan, “Cas di Machi” na Oranjestad.

   Un atardi unda nan a haya chance un rato pa conbersa cu algun di e 57 habitantenan di e cas aki. Sigur un atardi cu a toca nan curazon.

    Pa e ocasion aki, nan a hiba un treat pa tur habitante y trahadornan, snacks traha door di miembronan mes acompaña cu un bebida. Tambe tur presente a haya un regalito chikito for di e club.

   Nan kier gradici gerencia di Cas di Machi cu a duna nan e chance di haci un bishita cortico y conoce su facilidadnan y tambe tur habitante. 

   Pa esnan cu kier contribui financieramente na proyectonan di Aruba One Happy Island Lions Club, por haci esaki riba nos cuenta na Aruba Bank # 6005880190.