ORANJESTAD (AAN): E mihor coredornan di diferente Scol Basico na Aruba, a competi Diadomingo cu a pasa den e careda di 1 kilometer yama ‘Divi Links Cross Country’.
E dia tabata perfecto pa coremento, y e muchanan a sa di demostra cu nan amor pa deporte di coremento tey caba inculca den nan curason.
Por a mira varios atleta cu caranan contento e mainta aki, manera Vladjenski y Alexander di Dominicus College na Playa.
Tambe Scol Basico Washington ta orguyoso di nan alumnonan atleta. Pasobra den categoria Meisjes, oro a bay pa Dy-Angely Courtar, brons a bay pa Lulu Spijkers, di cuatro lugar pa Evi Lattinga, y cinco lugar pa Saray Tromp.
Scol Basico Washington den categoria Jongens, a haya oro pa Marco Tse, plata pa Jaydrien Werleman, di cuatro lugar pa Clay Spijkers, y di cinco lugar pa Isaiah Solognier.
Un excusa, debi cu DIARIO no a ricibi tur nomber di e ganadornan.
https://diario.aw/categories/noticia/general/un-mainta-competitivo-pa-muchanan-di-scol-cu-1k-divi-links-cross-country#sigProIdff19900847
