Alumnonan di Colegio a bay mira con Bucuti y Tara Resort ta opera na forma sostenibel  

ORANJESTAD (AAN): Recientemente e alumnonan di VWO-3 cu ta haya les di Aardrijkskunde, hunto cu dos docente, a bay haci un bishita na Bucuti & Tara Beach Resort.

   Durante e excursion aki, cu ta cuadra cu e tema di sostenibilidad pa CP Proefwerk 5.  E alumnonan na e resort a ricibi un tour, y lectura pa haya sa con e hotel a crece y a bira awor un di e topnan den region y mundo riba tereno di sostenibilidad.

   Nan a mira con ta traha cu fuentenan di energia duradero, con awa ta wordo uza bek pa irigacion y e matanan, con nan ta purba haci trabao sin uza papel, con textil ta wordo recicla, y desperdicio di cuminda ta haya un otro bida cerca criaderonan local pa animalnan.  Hasta a papia con nan ta uza verf cu ta yuda spaar energia.

   E merdia a finaliza cu un delicioso almuerzo ofreci door di nan, y tambe a haya goodie-bag cu a contene un solar-panel phone charger.

   E tabata un merdia exitoso, cu yen inspiracion, y pesey e alumnonan di VWO-3 ta hopi agradecido na gerencia y empleadonan di Bucuti & Tara Beach Resort.