Directora di DTI, Richela Dorothal ta splica:
ORANJESTAD (AAN) —Richela Dorothal, directora di DTI (Dienst Technische Inspectie), den entrevista cu DIARIO a menciona cu recientemente a publica e lista oficial di installateur di coriente, pa 2023.
A base di esaki tambe DTI a haci peticion pa tin un 'Erkende Installateur' cu ta esun cu ta haci e proceso di keuring y cu ta e unico persona cu por entrega e peticionnan aki tambe.
El reitera locual DTI a bisa den pasado, cu tin diferente electricista cu ta haci e trabao, pero cu no ta e personanan cu por entrega un peticion pa keuring, pasobra Ley ta prescribi cu mester wordo haci pa medio di un 'Erkende Installateur'. Esaki pasobra e sa e proceso y ki tipo di documentonan mester. Pa medio di online banking nan ta haci e pagonan tambe, y pa motibo di esaki tin e lista oficial di Instaladornan di coriente.
Pa mas informacion y pa afspraak por tuma contacto cu Electro Keuring, den e Afdeling Veiligheid Inspectie cu tambe por atende cu esaki. Señor van der Linde ta encarga cu e parti di Vuurwerk Commissie y e por duna tur informacion detaya, señora Dorothal a informa.
