Un gran oportunidad pa nos hendenan local pa cumpra bo mesun cas   

ORANJESTAD(AAN): Actualmente, riba mercado tin varios bunita propiedad, cu hopi posibilidadnan pa abo como local. 

Ta importante pa bo pensa riba bo futuro cercano y kico bo kier realisa. Y no tin nada mas primordial cu hasi bo soño realidad y yega na bo mesun cas. 

Manera DIARIO a bin ta publica den varios ocasion, cada ciudadano tin e potencial pa por tin su mesun propiedad. Y asina mester sigui encurasha y motiva cu e tremendo oportunidadnan aki.

Un cas di famia di 4 camber y 3 baño den curason di Oranjestad. Conveniente riba e caminda principal entre rotonde Ponton y e crusada di Wendy's dilanti ex-Freezone.

Tereno grandi di 688m²  erfpacht  y construccion di e cas ta di  203m².  E propiedad aki ta situa ideal, den un area hopi conoci y cerca di Universidad di Aruba, Xavier University, varios scol basico, Misa, varios compleho deportivo, area comercial y cerca di Bushiri y Eagle Beach. 

E cas ta diseña cu un cushina grandi, full ekipa y cu hopi claridad, e camber  principal ta super  espacioso, estilo suite, cu hopi   comodidad y su mesun area di oficina apart. Tur camber y baño tambe ta espacioso. 

E patio ta priva y  masha agradable, cu su bar, hopi mata bunita y cu ta duna sombra na e porch pa bo relaha.

Adicionalmente tin un studio cu baño di  20 m² , y tambe un espacio  traha pa usa como storage.

Si bo ta desea cumpra bo mesun propiedad, esaki ta un bon oportunidad pa abo como local inverti pa bo mes. Bo tin un meta bo dilanti?

No perde tempo y sea asina amable di  tuma contact  pa tur informacion y deligencia necesario.

Tambe por yudabo cu tur rekisito na bo banco di preferencia. Contact 560-0029 pa bo cita pa yega na bo mesun propiedad. Pa mas potretnan di e propiedad sigui Diario Online!