ORANJESTAD (AAN): TOTAL ta participa cu riba diabierna 14 di februari, a tuma luga e ultimo acto den un proceso pa cambio di e structura di e organisacion.
Esaki a culmina cu e transaccion na unda e acuerdo cu socionan nobo, tur compania local den sector financiero, a wordo efectua na oficina di notario Helmeyer.
Durante e dia aki, e socionan nobo oficialmente a adkeri participacion importante den TOTAL. Cu esaki TOTAL ta cumpli cu e rekisito exigi pa oficialmente wordo inscribi den registro di Banco Central como un instituto financiero nobo na Aruba.
TOTAL ta un compania cu un trayectorio largo dirigi particularmente na prestamonan personal. Cu e permiso adkiri, TOTAL lo bay lansa diferente producto y servicionan financiero adicional na Aruba. TOTAL kier a gradici tur esnan cu a contribui durante e ultimo añanan y a mustra confiansa den TOTAL pa realisa e vision di e cambio importante aki.
