ORANJESTAD (AAN): CDC na Merca, cu ta ekivalente na DVG na Aruba ta asigna nivel di risico pa tur pais pa asina informa e mericanonan unda nan por viaha y ki nivel di risico
un viahe tin ora nan bishita cierto paisnan, asina Ronella Croes, CEO di Oficina di Turismo a declara.
E novedad den esaki ta cu aworaki un di e criterianan ta inclui e grado di vacunacion di e populacion.
Pues esaki kiermen cu pa Aruba mehora den nivel di risico y pa ta representa menos risico pa e bishitante compara cu otro paisnan, e grado di vacunacion ta hunga un papel positivo tambe pa e recuperacion economico y turistico, a remarca.
"E vacunacion ta e yabi, e solucion pa e mundo di turismo crusero", a expresa.
Ta sperando e prome barconan na Juni y ta netamente e vacunacion a stimula esaki. E pasaheronan lo ta 100 % vacuna como tambe e miembronan di e tripulacion, a agrega.
E vacunacion ta e yabi cu e industria di turismo crusero a uza pa por reinicia e parti aki di e industria.
