Un concierto unico cu trio di Kyle, Reno y Jeremy

ORANJESTAD (AAN): “Kyke Winklaar ta pensa Jazz”;  esaki tabata entre otro loke cu e musico Arubano Reno Steba a expresa den su palabranan di introduccion.

Durante di e concierto matine di e trio Kyle Winklaar, Reno Steba y Jeremy Bonarriba, varios tabata e cancionan original a ser presenta.

   Den cuadra di e stimulacion di nos artistanan local, Cas di Cultura tin e famoso serie di concierto unda ta brinda escenario pa e talentonan por presenta nan obra musical na nan publico. 

   Algun cancion clasico y den ritmo Jazz cu a ser presenta tabata trance, recognition, sound of joy y mas. Den un forma trankil y humano, Kyle tabata duna splicacion na principio di cada cancion. 

   Por a ripara cu e alegria y quimico cu a reina entre e 3 musiconan aki, ta grandi. E publico presente a gosa y a expresa e aprecio den forma di aplausonan caluroso y largo despues di cada cancion.

   Elogio grandi tanto Kyle como Reno tawatin pa e musico Jeremy Bonarriba. Nan ta considera Jeremy como un di Aruba su miho drummer nan di historia.

   Tin di gradici staf y personal di Cas di Cultura y e artistanan Arubano Kyle, Reno y Jeremy pa a permiti nos como publico, disfruta di un atardi relahante acompaña pa un musica dushi y universal.

   Articulo contribui door di Addonsito Croes.