Minister Rocco Tjon den sala di Staten:
ORANJESTAD (AAN): Minister Rocco Tjon a expresa dialuna den sala di Parlamento unda tabata tin tratamento di e Landsverordening (LV) pa loke tabata otorgamento di FASE, cu Gabinete Wever-Croes a scoge pa actua den e caso di e programa di FASE ora cu e crisis di e pandemia a presenta.
For di 17 di Maart tabata tin e prome 'Ministerraad besluitnan' y tin parlamentarionan cu ta haci manera cu nan no tabata sa nada di FASE y awor ta pretende cu nan no tabata sa kico FASE tabata.
E tempo ey, tin parlamentarionan cu por a scoge pa no vota pa FASE, apesar cu no tabata tin base legal, pero parce cu awor ta mustra cu ta manera asuntonan politico ta prevalece. Sinembargo, e tempo ey si a bay di acuerdo cu e besluitnan.
Circumstancianan tabata cambia y pesey ta referi akinan na un proceso dinamico, Tjon a remarca.
Mas leu, Minister Tjon a menciona diferente ministerraad besluit relaciona cu e fondo di FASE.
El a bisa cu FASE a bay den tur transparencia. Tabata tin fout a expresa. Pero lo actua riba e recomendacionnan di Algemene Rekenkamer (ARA) y no contrario na loke Gobierno Mike Eman a haci den pasado.
Precisamente, ora cu a anuncia na November cu FASE lo mester stop ta oposicion mes a bin cu critica e momento ey, a splica.
E mandatario a agrega cu lo tene cuenta cu e recomendacionnan di ARA. E comision lo wordo instala y lo presenta e raport na Parlamento dentro di algun luna.
