Un bishita inolvidable di Famia Real na Aruba Aloe

ORANJESTAD (AAN): Diamars mainta pa 11:45 am, Famia Real a yega na e fabrica y plantacion di Aruba Aloe na Hato. 

Aki ta unda cu cantidad di persona a para banda pariba di e caminda pa asina saluda Rey Willem-Alexander, Reina Maxima, y Prinses Amalia.  Empleadonan di Aruba Aloe tambe a para pafo cu bandera den man pa duna nan un caluroso bon bini.

   Nan a haya chens di no djis mira e proceso di fabrica e productonan, con ta cosecha, y extrae e gel for di e planta, tambe a mira nan ta cana den e cunucu, y esaki a percura pa algun shot fabuloso di Famia Real.