ORANJESTAD (AAN): Sigur e ta un wega popular di Lotto na Aruba, y por mira cu Reynold stima e wega di Zodiac. Pa di tercer ves e ta logra gana bon placa cu e sorteo di Zodiac.
El a presenta Dialuna na oficina di Lotto na Playa cu su ticket. Aki nan a revisa esaki, y ora di scan e barcode, e computer a confirma cu Reynold a gana 62.500 Florin cu wega di Zodiac Merdia.
Mesora a sigui cu e proceso pa transferi e premio electronicamente pa su cuenta di banco. Reynold un biaha mas a cumpra e ticket ganador na Ritmo Lottery.
