Un biaha mas Corte di Husticia a coopera cu ‘Buki di Pret Aruba’

ORANJESTAD (AAN): Un biaha mas, oficial- y personal di Corte di Husticia na Aruba a duna nan colaboracion den temporada di vakantie,

pa asina tene e “Dia 2” di Buki di Pret Aruba.

   E ekipo dinamico di Corte, a prepara un biaha mas un programa interesante pa e muchanan.  Nan a prepara y imita un caso penal di Corte pa e muchanan mira con e proceso ta tuma lugar dilanti Huez.

   Ademas di esaki, e muchanan tambe cu hopi entusiasmo a participa na nan mesun sesion di Corte.  E dia a finaliza cu un fabuloso presentacion y demostracion di Cuerpo Policial di Aruba, incluyendo unidad K9 di Polis.

   Muchanan a keda completamente fascina cu e proceso aki.  Palabra di pabien na tur esnan cu a haci esaki posibel.