Un anochi yena di informacion pa haya sa e tarea di ‘Trampolin pa Trabao’

ORANJESTAD (AAN): Recientemente den oranan di anochi a tuma lugar un charla informativo na Centro Sonrisa na Pavia. 

E topico tabata ‘Trampolin pa Trabao’, cu ta un sorto di plataforma cu ta yuda esnan cu tin limitacion na Aruba, por wordo guia pa toch haya un trabao.

   E evento a worde organiza pa Trampolin pa Trabao hunto cu Directie Sociale Zaken, Flexo Manpower y Medwork. Presente tabata mayor-, compania- of instancianan interesa pa traha cu personan cu limitacion.

   Durante e anochi informativo, Lionel Rumnit, kende jobcoach a duna diferente presentacion pa stimula mayornan pa nan yiu participa den e proyecto. E meta di e evento ta inclusion di hende cu limitacion den mercado laboral. Un cliente cu a haya un trabao a comparti su experencia bunita cu esnan presente.

    Minister Endy Croes tambe tabata presente, y el a indica cu e tabata un anochi fructifero cu presentacion inspirativo y educativo unda cu Sr. Rumnit a presenta impresionante programa y oportunidadnan cu tin pa personanan cu limitacion den nos comunidad.

   Concluyendo, Mandatario di Enseñansa ta  gradici Trampolin pa Trabao pa e bunita trabao cu nan ta eherciendo y cu por conta cu sosten di Gabinete Wever-Croes II.