Organiza pa Plan di Mayor
ORANJESTAD (AAN): Ta preparando un anochi informativo pa mayornan cu ta bay divorcia of separa.
E meta di e encuentro aki ta pa yuda mayornan durante e momento dificil aki, cu un enfoke special ariba bienestar di boso yiu. E anochi informativo aki ta completamente gratis.
Loke por spera: Durante e sesion aki, experto den dinamica familiar y psicologia di mucha y hoben lo comparti varios informacion y consehonan valioso tocante con boso por papia cu boso yiu tocante e divorcio of separacion. Aki tin algun di e punto principalnan cu lo trata:
(1) Comunicacion cu Yiu: (*) Na ki momento y na cua lugar por informa boso yiu tocante e divorcio. (*) Tips pa contesta nan preguntanan di un manera honesto cu ta brinda segurancia. (*) E importancia di un splicashon cu ta cuadra segun nan edad y evita sentimiento di culpa den e yiu.
(2) Sosten Emocional: (*) Strategianan pa minimalisa e impacto emocional di un divorcio riba yiu. (*) Reconoce señalnan di stress, ansiedad of tristesa den boso yiu. (*) Provee un ambiente caminda cu yiu por expresa nan sentimientonan.
(3) Dynamico Entre Mayor Saludabel: (*) E importancia di colaboracion y comunicacion entre mayornan despues di e divorcio. (*) Con boso por establece un Plan di Mayor consistente y stabil cu ta pone bienestar di boso yiu central. (*) Tips practico pa construi un relacion entre mayornan cu respet.
(4) Recurso y Sosten: (*) Un bista di e recursonan local disponibel pa famianan cu ta divorcia. (*) Informacion tocante consultacion y sosten pa mayornan y yiu. (*) E importancia di cuido propio pa mayornan durante e periodo di transicion aki.
Registra di awor caba: Pa participa den e atardi informativo aki, nan ta pidi mayornan pa registra via e website aki:
E motibo pakico e Presentacion aki ta importante ta, debi cu un divorcio of separacion di un relacion nunca ta facil, pero cu e sosten y guia corecto mayornan por ta sigur cu nan yiu ta sinti stima, sigur y scucha. E presentacion aki ta ofrece mayornan e hermentnan y conosimiento necesario pa yuda boso yiu pa procesa e cambio aki den un forma saludabel.
