Ultimo dia di les na Colegio Arubano

ORANJESTAD (AAN): Diahuebs tabatin ultimo dia di les na Colegio Arubano, y a finaliza esey na forma particular, y Rectorado a duna OK pa alumnonan tira otro di blaas yena cu awa. 

Pero loke nan no tabata sa ta cu Cuerpo di Bombero a wordo busca pa duna show di awa y Cuerpo Policial a duna presentacion di dos cacho K9. Normalmente e cachonan ta pone nan diente den cuero di criminal, sinembargo e biaha aki ta a toca turno na dos docente boluntario di gym. E shownan aki tabata espectacular y a haci e alumnonan cansa y den calor, super entusiasma.

   Aña escolar 2020-2021 ta yegando na su fin. E lesnna a caba, pero e alumnonan mester bin scol te dia 28 di juni pa traha CP. Asina nan por mustra un biaha mas kico nan a siña den e ultimo lesnan. Despues di di 9 di juli, Colegio Arubano ta cera su portanan pa tur alumno te diahuebs 19 di augustus.

   E aña escolar aki tabata un aña turbulento pa tur alumno pa motibo di e pandemia, pero awor ta finalizando na forma divertido.