ORANJESTAD (AAN): Informacion ricibi di Boston, ta indica cu un turista cu tabata gusta bishita Aruba,
esta David G. Godfrey a fayece dos siman pasa cu edad di 62 aña di edad na estado di Massachusetts na Merca.
El a fayece rondona pa su famianan, despues di un bataya hopi fuerte contra malesa di cancer. El a nace na Boston, y a crece cu su famia na Braintree, na estado di Massachusetts. El a gradua di Braintree High School na 1979 y despues a sigui pa University of Massachusetts na Boston unda el a obtene su grado den economia.
David a conoce su casa Liz, tempo cu David tabatin 17 aña di edad. Nan a comparti 38 aña di feliz matrimonio, yena cu sonrisa y aventura. Nan a bira mihor amigonan, y a haci tur cos hunto. Nan tabata cada rato bay cu vakantie, pa bishita nan isla faborito cu ta Aruba.
Nan a haya dos yiu, esta Ryan Francis y tambe Hannah Marie. El a siña nan domina tur clase di deporte, hiba nan pa campa, y trece nan Aruba pa goza di lama, beach, y tambe e tabata hunga golf.
Entiero a tuma lugar Diasabra merdia cu a pasa, na Saint Mary Cemetery na pueblo di Braintree mes.
