ORANJESTAD (AAN): Diasabra dos siman pasa, e turista Catherine Cecilia Fulford a fayece na Rocky Mount na North Carolina, perdiendo su bataya contra cancer di pecho.
Conoci pa hopi hende como Cathy, e dama energetico aki di 54 aña di edad a sigui bishita Aruba hasta despues cu el a haya sa cu e tin cancer.
El a gradua na Salem State University cu un grado den Business Administration y a traha principalmente na facilidadnan di cuido di pashentnan di termino largo.
Cathy tabata un persona yen energia y facilmente por cera amistad cu hendenan nobo. El a hiba un bida yen di amor, hopi social, y tabatin un personalidad fabuloso. Su hari tabata contagioso y su sonrisa awor por wordo mira riba cara di su dos yiu muhernan tambe.
Su pasion tabata cushinamento, y viaha pa su destinacion favorito cu ta Aruba, hunto cu su casa Christopher Fulford.
Diamars 2 di November mainta lo bay tin un momento di recordatorio di e bida di Cathy, na su pueblo di Rocky Mount na North Carolina.
