ORANJESTAD (AAN): Elton ta un di e caranan di mas amabel cu bishitantenan ta mira ora cu nan check-in na Hilton Aruba Caribbean Resort & Casino, y e ultimo dianan aki e ta sintiendo un tremendo sentido di satisfaccion, logrando e posicion di Assistant Front Office Manager.
E ta trahando pa e yega e meta aki desde 2014.
Elton ta hopi stima door di bishitantenan, pasobra e ta consistentemente bay mas leu di loke ta wordo pidi for di dje, pa sigura un operacion mas suave di su shift, particularmente ora ta trata cu retonan di bishitantenan, cual na Hilton esakinan no ta masha tiki y no sa pasa hopi tras di otro. E ta disfruta interactua cu bishitantenan, y yudandonan engrandece nan vacacion cu upgrades obtenibel, contestando tur pregunta den forma experto.
El a cuminsa originalmente como part-timer, pasobra ainda e tabata bayendo scol, gerencia a realisa desde inicio cu e tabata un bon trahado, y den corto tempo el a wordo ofreci un posicion full-time y promocion pa supervisor, trahando den un team di 18 profesional, checking-in un averahe di 60 camber pa dia, y hopi mas durante fin di siman, papiando 5 diferente idioma, y brindando un servicio di calidad halto.
Elton ta bisa cu su industria a duna fruto, e resort a mand’e Universidad di Aruba, pa un curso den liderazgo, el a atende e Hilton Brand’s Front Desk Academy, na Miami, Florida, cu e chens di por a biaha den Task Force pa Puerto Rico, pa yuda un cantidad di propiedad eynan mehora nan score den servicio na cliente.
Den su tempo liber, Elton ta un tremendo atleta, participando den competencia di international Body Building, ganando e categoria di Men’s Physique regularmente, cual ta rekeri un dieta disciplinatorio y hopi ehercisio. “Mi tin pasion pa ambos, mi trabao y mi deporte,” e ta splica. “Y te ainda mi ta hopi contento cu e escogencia cu mi a haci den Juli 2014, pa bay tras un carera di hospitalidad. El a trece hopi gratificacion.”
