ORANJESTAD (AAN): E turista Lorelee Ann Binkowski di 85 aña di pueblo di Menomonie na Wisconsin (U.S.A.),
a fayece dia 5 di Juli 2025, despues di un bataya di 2 aña cu complicacionnan di diferente cirugia di heup, y pa colmo a wordo diagnostica cu un cancer chikito di pulmon, cu a plama pa su higra djis algun dia prome cu su morto.
Durante su bida, Lorelee tabata goza di viahamento cu su famia, y principalmente tabata trece amiganan pa viaha cune ta bin pasa dia na Aruba. Esaki tabata haci’e feliz y tabata gusta bishita e isla pa e bon servicio ricibi aki. Ademas e tabata gusta paseonan riba boto, waterski, y pasa tempo liber cu su amiganan y famia.
El a bay lagando su casa Dale, su yiunan, nietonan, bisanietonan, y varios sobrina y sobrino. El a wordo dera na Plum City, na Wisconsin.
