BOSTON: E turista Jeffrey W. Noelcke a fayece inespera debi na asuntonan medico na comienzo di e luna aki na Bradford, cu ta keda net panort di Boston na Merca. E lo a cumpli 64 aña di edad aki algun luna.
Conoci pa tur hende como Jeff, el a nace na Washington, DC y a crece como hoben na Wilmington, Massachusetts. E tabata gran amante di waterski, ski riba sneu, y hockey.
Pa 30 aña largo, el a opera un negoshi cu ta bende y drecha tur tipo di aparato pa oficina. Y e tabata gusta viaha pa Aruba, y tur atardi e mester ta riba beach pa disfruta di bahada di solo. E tabata viaha semper cu su pareha Jane.
El a bay laga su ruman homber, y su pareha di 15 aña largo, Jane P. Ring. Su entiero a tuma lugar Diahuebs 20 di April na Bradford.
