ORANJESTAD (AAN): Tabata Diadomingo 5 di Maart, cu Joseph A. DeFranzo di 90 aña di edad a fayece na Salem, Massachusetts (Merca), despues di un malesa cortico.
Durante su bida, el a sirbi den US Navy y tabata riba e barco USS Shenandoah durante Guera Koreano. Despues cu el a bandona militar, el a bay funciona como plant manager na un compania di lechi na Salem. E tabata reparti lechi pa famianan tambe di cas pa cas, manera e costumber di antes.
Despues el a bira un consehero financiero di Aseguro di Bida. E tabata yuda boluntariamente cu varios asociacion y tabata activo den asociacion di construccion na Massachusetts.
Conoci como ‘Joe’, e tabatin un sentido di humor constante cune, y por tentabo tambe. E ta orguyoso di su herencia Italiano, y tabata gusta bishita Aruba tur aña pa e goza di solo y lama. E tabata trece su amigonan tambe cune na Aruba, y tabata bay hunga golf cu ta algo cu e ta stima un mundo.
Diasabra mainta cu a pasa, tabatin su funeral na Salem, Massachusetts.
