ORANJESTAD (AAN): Tur aña bo ta mira Leon Gaudette na Aruba!
E ta viaha cu su casa Joan pa pasa dianan divertido y relaha bastante ora cu nan ta pasa dianan riba e isla cu e stima tanto.
Pero recien informe a drenta cu Leon Gaudette a fayece na Merca. E ta originalmente procedente di Salem (New Hampshire).
Leon a nace dia 4 di Mei 1928 y como hoben el a bira activo den US Navy na 1946 te cu el a finaliza e funcion ey na forma honorable. Despues el a bay traha cu General Electric. Despues di un carera di 32 aña, el a bay traha den Maintenance di Scolnan Publico na Lowell (Massachusetts).
Ora cu Leon bishita Aruba, e ta gusta bay hunga un wega di Golf, como cu esey ta su pasatempo faborito. Otro isla den Caribe cu e sa bishita tambe ta Bermuda.
Diamars 22 di Februari lo bay tin un servicio na santana, cu honornan militar tambe na Methuen, Massachusetts.
