ORANJESTAD (AAN): E turista Ann Renzi Haynes a fayece inesperadamente Diaranson siman pasa di complicacionnan di curazon,
relaciona cu cancer. El a hala su ultimo rosea cu edad di 61 aña na ciudad di Rye na estado di New York.
Despues di a finaliza su studio, el a bay labora na un compania grandi di Aseguro na New York City, unda el a sigui ricibi promocion y a bira un manager cu ta atende 200 empleado. Algun aña despues, el a retira pa asina keda cas y cuida su yiu muher cu a nace cu un discapacidad.
E di dos casa di Ann, esta Ward Haynes a perde su bida den e tragedia di World Trade Center di 9/11 na New York. Su yiu muher Elizabeth a cuminza sufri di epilepsia tur dia desde cu e tin 6 luna di bida, y mester a haya cuido constante di su famia. Elisabeth mes a fayece na 2017 cu edad di 19 aña.
Ann tabata un dama cu ta stima deporte en general, principalmente Golf, Tennis, y Pingpong. E tabata gusta bishita Aruba pa pasa vacacion y practica su deporte aki den solo cayente.
Na aña 2016 el a skirbi un buki popular “Love You, Mean It” hunto cu 3 otro viuda di e tragedia di September 11, encuanto sobrevivencia, amor, y amistad.
Su entiero Catolico a tuma lugar Diamars 18 di Juli mainta na Iglesia di Resureccion na Rye, New York.
