ORANJESTAD (AAN): E wega di Zodiac ta facil pa hunga! Bo tin di djis cumpra un number consistiendo di cuatro cifra, ta agrega un signo zodiacal y asina rapidamente bo ta cla pa ta den wega.
Esey ta loke Luz a haci tambe, y a bay cumpra su numbernan di suerte. El a bira contento ora di realiza cu su numbernan a gana.
Pesey riba Diaranson el a acudi na oficina di Lotto na Playa pa reclama su premio. Aki nan a revisa su ticket, ora di scan e barcode, e computer a confirma instantaneamente cu Luz a gana 12.500 Florin cu e sorteo di Zodiac.
Mesora a start e proceso pa transferi e premio electronicamente pa su cuenta di banco. Luz a indica cu e ticket ganador el a cumpre na Lucky Numbers Wilhelminastraat.
