ORANJESTAD (AAN): Durante luna di april, Aruba Bank a lansa cu campaña di hipoteca, “Realisa bo cas”.
Tur persona cu a aplica y a finalisa nan hipoteca durante e periodo di april te cu juni automaticamente a participa pa gana 15,000 Florin.
DIARIO a comrponde, cu Ashley Richardson a construi su cas durante e periodo di campaña y a gana e suma di diescinco mil Florin.
A sali na cla, cu Ashley a ricibi tur conseho di hipoteca for di un di e expertonan den hipoteca, Jene van der Biezen, y a logra realisa su cas cu un hipoteca na Aruba Bank.
Ashley ta contento cu e suma ricibi y awor por sigui pa amplia su cas mas ainda cu e suma adicional.
Aruba Bank ta felicita Ashley y ta gradici'e pa e confiansa. Nan kier recorda tur persona cu ta desea di aplica pa un hipoteca of ta den e proceso aki caba na Aruba Bank cu e campaña ta vigente te cu fin di aña.
