ORANJESTAD (AAN): Diasabra atardi pa 4:25 pm, un unidad di Polis di San Nicolas a moviliza urgentemente pa Baby Beach como cu lo tin un caso di hogamento.
Ora cu Polis a yega, nan a bin haya un homber cu ta sinta riba stoel. Polis a papia cu e yiu homber, y el a bisa cu apenas Diabierna nan a yega Aruba, y cu riba Diasabra nan a bay Baby Beach. El a bisa cu eynan su tata a bay snorkel den e lama. El a keda como 20 minuut ta snorkel, y aparentemente debi na esey el a cansa y dado momento a guli hopi awa salo.
Su yiu mes a yude sali di lama, y treci na canto unda a pone riba un stoel. Ambulans tambe a yega y a dune tratamento. Nan a dicidi cu ta mihor pa hibe pa Dr. Horacio Oduber Hospital pa tratamento medico.
Na final, a pone Central di Polis na altura.
